အမေ့ခံအတိတ်
အမေ့ခံအတိတ်
လွတ်လပ်ရေး သမိုင်းကြောင်းချင်း နီးစပ်ခဲ့သော အိန္ဒိယနှင့် မြန်မာ
event_note ခေတ်ကာလများပြပုံ

၁၅ သြဂုတ် ၁၉၄၇

လွတ်လပ်ရေး သမိုင်းကြောင်းချင်း နီးစပ်ခဲ့သော အိန္ဒိယနှင့် မြန်မာ

room India

people Thakin Nu U Win Lord Louis Mountbatten Pandit Nehru Countess Mountbatten Rajendra Prasad

Read in English

၁၉၄၇ ခုနှစ် သြဂုတ်လ ၁၅ ရက်နေ့တွင် အိန္ဒိယနိုင်ငံ (India) သည် ဗြိတိသျှ အင်ပါယာကြီး၏ လက်အောက်မှ လွတ်လပ်ရေး ရသည်။ ထိုအချိန်တွင် တိုင်းပြည်ကို ခွဲ၍ တစ်ဆက်တည်းမှာပင် ပါကစ္စတန်နိုင်ငံသစ် (Pakistan) ပေါ်ပေါက်လာခဲ့သည်။ များမကြာမီပင် အိန္ဒိယနိုင်ငံနှင့် မြန်မာနိုင်ငံ နှစ်နိုင်ငံကြား သံတမန် ဆက်ဆံရေး ထူထောင်နိုင်ခဲ့သည်။ ထိုစဉ်က မြန်မာနိုင်ငံသည် ဓနသဟာယအဖွဲ့ ပြင်ပမှ လွတ်လပ်သော နိုင်ငံ မဖြစ်သေးသဖြင့် မြန်မာနိုင်ငံ၏ ကိုယ်စားလှယ် အဖြစ် ကော်မရှင်နာမင်းကြီးက  နယူးဒေလီမြို့ (New Delhi) သို့ သွားရောက်ခဲ့သည်။

မြန်မာ့လွတ်လပ်ရေး သမိုင်းကြောင်းမှာ အိန္ဒိယလွတ်လပ်ရေး သမိုင်းကြောင်းနှင့် အလွန်ပင် ဆက်စပ်နေသည်။ ၁၉၁၇ ခုနှစ် မွန်တေဂူ-ချမ်စ်ဖို့ဒ် (Montagu-Chelmsford) ပြုပြင်ပြောင်းလဲရေးများ စတင်ပေါ်ပေါက်လာသည့် ကာလမှ စတင်ပြီး ခေတ်သစ် မြန်မာ့နိုင်ငံရေး အစပြုခဲ့သည်။ ထိုစဉ်က ဒိုင်အာခီအုပ်ချုပ်မှု ပုံစံသစ်တွင် မြန်မာပြည် ပါဝင်ပါ့မည်လားကို စိုးရိမ်ခဲ့ကြသည်။ ၁၉၂၀ ပြည့်နှစ်မျာနှင့် ၁၉၃၀ ပြည့်နှစ် အစောပိုင်းကာလများက မဟတ္တမဂန္ဒီ (Mahatma Gandhi) နှင့် ပန်ဒစ်နေရူး (Pandit Nehru) တို့ ဦးဆောင်သော အိန္ဒိယအမျိုးသားလွှတ်တော်၏ ရုန်းကန်ကြိုးပမ်းမှုများ အရိပ်အာဝါသအောက်တွင် မြန်မာ့အမျိုသားရေး စိတ်ဓာတ် အရှိန်အဟုန် ကောင်းလာခဲ့သည်။ ဒုတိယကမ္ဘာစစ်တွင်း ၁၉၄၀ ပြည့်နှစ် အစောပိုင်း ကာလများတွင် ဂျပန်အုပ်ချုပ်ခံ မြန်မာနိုင်ငံသို့ ဆူဘတ်ချန်ဒရာဘို့စ် (Subhas Chandra Bose)၏ အိန္ဒိယ အမျိုးသား တပ်မတော် (Azad Hind Fauj) လာရောက်ခဲ့သေးသည်။ ၁၉၄၆ခုနှစ်တွင် ဗြိတိသျှတို့ မြန်မာနိုင်ငံမှ စွန့်ခွာရန် ဆုံးဖြတ်ခဲ့ရသည့် အဓိက အကြောင်းရင်းမှာ အိန္ဒိယနိုင်ငံ လွတ်လပ်ရေး ရလုခါနီး ဖြစ်နေသောကြောင့် ဖြစ်သည်။ ထိုသို့ဆိုလျှင် မြန်မာပြည်သည် အိန္ဒိယပြည်၏ အရှေ့ပိုင်း အတွက် ဗျူဟာအရ အရေးပါသော နိုင်ငံတစ်ခု မဟုတ်တော့ချေ။ ဘင်္ဂလားနယ် (Bengal) ခွဲထွက်ခြင်း၊ အရှေ့ ပါကစ္စတန်နိုင်ငံ (East Pakistan) ပေါ်ပေါက်လာခြင်း (နောင်တွင် ဘင်္ဂလားဒေ့ရှ်နိုင်ငံ (Bangladesh)) နှင့် အိန္ဒိယ အရှေ့မြောက်ဒေသ ဖြစ်ပေါ်လာခြင်း အစရှိသော အိန္ဒိယနိုင်ငံကြီး တစ်ခုလုံး အပိုင်းပိုင်း ကွဲသွားခြင်းသည် နောက်ပိုင်း မြန်မာနိုင်ငံ သမိုင်းကြောင်းကို ပုံဖော်ပေးခဲ့သည်။

ဓာတ်ပုံမှာ  ၁၉၄၇ ခုနှစ် ဒီဇင်ဘာလ ၄ ရက်နေ့က နယူးဒေလီတွင် ရိုက်ကူးထားခြင်း ဖြစ်ပြီး (ဝဲမှယာသို့) ကော်မရှင်နာမင်းကြီး ဦးဝင်း၊ အိန္ဒိယပြည်၏ နောက်ဆုံး ဘုရင်ခံချုပ်နှင့် ထိုစဉ်က အိန္ဒိယ၏ ပထမဆုံး ဘုရင်ခံ လော့ဒ်လူးဝစ် မောင့်ဘက်တန် (Lord Louis Mountbatten) ၊ ထိုစဉ်က အုပ်ချုပ်ရေးကောင်စီ၏ ဒုတိယဥက္ကဌနှင့် ဝန်ကြီးချုပ် တာဝန်ခံ သခင်နု၊ အိန္ဒိယဝန်ကြီးချုပ် ပန်ဒစ်နေရူး (Pundit Nehru)၊ နယ်စားကတော် မောင့်ဘက်တန်နှင့် အိန္ဒိယ တိုင်းပြုပြည်ပြုလွှတ်တော် ဥက္ကဌ၊ နောင်တွင် အိန္ဒိယနိုင်ငံ၏ ပထမဆုံး သမ္မတရာဂျန်ဒရာပရာဆတ် (Rajendra Prasad) တို့ကို တွေ့ရသည်။

လွတ်လပ်ရေးခေတ်နှင့် ပြည်တွင်းစစ်ကာလ (၁၉၄၅ - ၁၉၅၁) မှ နောက်ထပ် အကြောင်းအရာများ ဆက်လက်လေ့လာရန်

ခေါင်းစဉ်များ အားလုံးကြည့်ရန်