အာရှတိုက်၏ အချက်အချာ ကျသော ဆုံမှတ်တွင် ရှိနေသော မြန်မာနိုင်ငံသည် ကာလရှည်ကြာကပင် အိမ်နီးချင်းနိုင်ငံများနှင့် အဆက်အသွယ်များ ရှိခဲ့သည်။ ယနေ့ မြန်မာနိုင်ငံ၏ တည်ရှိနေသော နယ်နိမိတ် ပိုင်နက် အတိအကျကို ဗြိတိသျှ ကိုလိုနီအစိုးရက သတ်မှတ်ပေးခဲ့သည်။ သို့သော် ဒေသတွင်းတွင် နေထိုင်သည့် မင်းအဆက်ဆက်၊ လူမျိုးအစုစုတို့သည် နှစ်ထောင်ချီ၍ပင် နိုင်ငံရေး၊ ယဥ်ကျေးမှု၊ ဘာသာရေးနှင့် ဘာသာစကားများ အပြန်အလှန် ကူးလူးဆက်ယှက်နေခဲ့ကြသည်။ ရှေးခေတ်များက မြို့တော်ကြီးများမှ ဝေးလေလေ၊ ထိန်းချုပ်မှု အာဏာ လျော့လေလေ ရှိခဲ့ကြရာ ထိုခေတ်ကာလများက မြေပုံနယ်နိမိတ်များမှာ ယနေ့ခေတ်နှင့် များစွာ ကွာခြားနေတော့သည်။ 

ဤအပိုင်းတွင် မြန်မာနိုင်ငံ၏ အိမ်နီးနားချင်းများနှင့် ဒေသတွင်း အုပ်ချုပ်မှု အာဏာနှင့် လွှမ်းမိုးမှုများ ပြောင်းလဲသွားပုံများကို ဖော်ပြထားသည်။